Policia e Bulqizës ka vënë në pranga shtetasin e identifikuar si Sokol Veseli 43 vjeç, pasi ishte i shpallur në kërkim për veprën penale “Vjedhja”.
Veseli në bashkëpunim me dy shtetas të mitur kanë vjedhur një motomjet në ambientet e komisiariatit të Bulqizes.
Më parë 43-vjeçarit i ishte caktuar masa e sigurisë “arrest me burg” nga gjykata e Dibrës.
Njoftimi i policisë:
Shërbimet e Komisariatit të Policisë Bulqizë, kapën dhe vunë në pranga shtetasin S.V., 43 vjeç, banues në Bulqizë, pasi ishte shpallur në kërkim për veprën penale “Vjedhja”, kryer në bashkëpunim, për të cilin Gjykata e Dibrës ka vendosur
masën e sigurisë “Arrest në burg”.
Ky shtetas, në bashkëpunim me dy shtetas të mitur të proceduar më parë nga Policia, kanë vjedhur një motomjet në ambientet e komisariatit Bulqizë.
