Spitali Onkologjik është në kolaps total prej numrit të madh të pacientëve të cilët marrin kimioterapi.
Gazetari Osman Stafa, teksa shikon nga afër situatën kaotike në Onkologjik, shprehet se ministrja Evis Sala duhet të shkojë të shohë nga afër se çfarë po ndodh në këtë spital pasi pacientët po mbahen për orë e orë të tëra në korridorre. Ai thekson se shumica e pacientëve e kanë të nevojshme të marrin mjekim, por ka raste të shumta që kthehen mbrapsht pa marrë asnjë mjekim.
Gazetari thekson se kimio në karrige vazhdon të jetë torturë për pacientët në Onkologjik dhe shton se ka pacientë të tjerë që presin për shumë orë të ulur në makinat e tyre jashtë spitalit sepse nuk kanë ku të rrinë.
Gazetari Stafa ka bërë gjithashtu edhe një paralajmërim të fundit për stafin e spitalit Onkologjik të cilët u bëjnë presion pacientëve se pse denoncojnë kushtet skandaloze tek gazetarët. Ai paralajmëron se në vijim, çdo person i stafit mjekësor që kërcënon dhe ushtron presion mbi pacientët e sëmurë do publikohet në rrjete sociale me emër dhe figurë pasi kjo gjë nuk mund të tolerohet më.
Boldnews.al raportoi ditën e sotme se ministrja Evis Sala “sajon” takime në Itali, të cilat i transmeton si bashkëpunime me autoritetet e huaja për përmirësimin e gjendjes së Shëndetësisë në Shqipëri.
LEXO EDHE:
