Analisti, Fatos Lubonja, ka komentuar mbrëmjen e sotme hetimet ndaj të besuarës së Ramës, Belinda Ballukut.
Referuar përgjimeve të SPAK, ku Balluku urdhëronte Evis Berberin të përjashtonte nga tenderimi firmën e konsulencës “Civil Cons”, analisti Lubonja thotë se kjo është sipas tij një taktikë.
Sipas Lubonjës, taktika e Ramës dhe Ballukut është që të deklasifikojnë persona që nuk i përkasin klientelës së tyre dhe që ngrejnë akuza për ta.
Nisur nga fakti se kjo firmë është e lidhur me PD, Lubonja thotë se thelbi i bashkëpunimit mes Ramës dhe Ballukut është që të rrisnin klientelën e tyre, të vidhnin sa më shumë dhe të mos linin prova.
“Këtu bëhet fjalë për mënyrë qeverisje. Unë pashë midis të tjerësh, mesazhe që shkëmbente Balluku me Berberin. Diku bëhej fjalë për një biznesmen që ishte i lidhur me PD. Dhe kjo i thoshte atij që ‘këtë nuk dua më ta shikoj në fare në lista e tenderave’.
Cila është mënyra e qeverisjes së tyre?
Mënyra e qeverisjes së tyre është që ne do mbajmë klientelën tonë dhe do rrisim klientelën tonë. Bëjmë atë parimin tonë ‘që vidh që të marrësh pushtet dhe merr pushtet që të vjedhësh’. Pra ky është thelbi i gjësë të kërkosh prova.
Edi Rama e di shumë mirë këtë. Por cila është taktika e Ramës. Taktika e Ramës është që ti deklasifikojnë këta që bëjnë këto akuza. Ata që janë pjesë e opozitës, jo kazan, jo bufi i kënetës. Kur ka ardhur puna që është vënë në veprim SPAK-u.”, tha Lubonja në News 24.
