Partia Demokratike zhvilloi pasditen e sotme protestën e radhës para Kryeministrisë, ku kërkoi dorëheqjen e kryeministrit Edi Rama dhe zv/kryeministres Belinda Balluku, e cila është marrë e pandehur nga SPAK.
Tubimin e mbylli fjalimi i ish-kryeministrit Sali Berisha, ndërsa protesta tjetër pritet të mbahet të hënën e ardhshme.
Berisha theksoi se protesta vjen si përgjigje ndaj bllokimit të hapësirës së opozitës në parlament dhe ndaj aktit të SPAK-ut kundër Ballukut, duke nënvizuar se mazhoranca po pengon zërin opozitar, që PD synon ta ngrejë fuqishëm përpara Kryeministrisë.
Gjatë tubimit, fjalën e morën edhe qytetarë dhe punonjës të sektorëve të ndryshëm. Një fermer nga Bashkia Dimal denoncoi braktisjen e fermerëve nga qeveria dhe dëmet e mëdha të shkaktuara nga përmbytjet e fundit.
