Prokuroria e Posaçme nuk i ka aprovuar lejen, kryebashkiakut të arrestuar të Tiranës, Erion Veliaj për të qënë prezent fizikisht në mbledhjen e Këshillit Bashkiak ku pritet të diskutohet projekt buxheti për vitin 2026.
Burime bëjnë me dije se, Veliajt nuk i është dhënë leje për të marrë pjesë në mbledhjen e nesërme, e premten (21 nëntor).
Në kërkesën e firmosur nga 22 anëtarë socialistë thuhej se pjesëmarrja e Kryetarit të Bashkisë është një e drejtë funksionale e garantuar me ligj, e nevojshme për prezantimin e drafteve, buxhetit, raportimeve vjetore dhe çështjeve të administrimit të njësisë së vetëqeverisjes vendore por paravësisht këtyre pretendimeve SPAK ka rrëzuar kërkesën.
Vlen të theksohet se kërkesën për të lejuar Veliajn të vijë në mbledhje e kanë bërë të njëjtë këshilltarë të PS që pak kohë me parë, inicuan dhe ngritën kartonët për shkarkimin e tij.
