Ka nisur me debate Konferenca e Kryetarëve, mëngjesin e kësaj të hëne.
Debati ka ardhur pasi PD është njoftuar për Paketën Fiskale, dhe sipas demokratëve duhej që bashkangjitur me të të vinte edhe buxheti.
Kreu i Grupit Parlamentar në PD, Gazmend Bardhi ka akuzuar mazhorancën për shkelje të rregullores dhe kushtetutës
‘Na keni njoftuar se ka ardhur Paketa Fiskale. Ju kujtoj se duhej të kishte ardhur bashkë me buxhetin, por përtej kësaj duhet ndjekur e njëjta procedurë si me buxhetin. Ministri i Financave duhej ta kishte prezantuar këtu, dhe ne si Konferencë duhej të kishim miratuar një kalendar për shqyrtimin e kësaj pakete. Me sa shoh nuk keni ndërmend të respektoni rregulloren dhe kushtetutën’, ka thënë Brdhi.
