Kryedemokrati, Sali Berisha ka folur ditën e sotme në lidhje me mungesën e medikamenteve për të sëmurët me tumor dhe kancer.
Referuar deklaratës së Ramës, i cili tha se mungesa e medikamenteve është për shkak të numrit të lartë të pacientëve, Berisha thotë se kjo është një tjetër justifikim i tij.
Berisha përmend shpenzimet e luksit që ka bërë Rama teksa shton se ky i fundit familjarët e tij nuk do i linte pa ilaçe.
“Rama sot në mënyrën më të papengueshme deklaronte qindra të sëmurëve me sëmundje të rënda, mijëra familjeve të të tjerëve që nuk janë më, se nuk kishim ilaçe duke qenë se ishin shumë të sëmurë. 7 mln euro në ditën e zgjedhjeve u shpenzuan për Giro D’Italia, ndërtoi Kopshtin e Edenit, bleu makina të blinduara, të shpenzosh 22 mln euro udhëtime në 2 vite, të hapësh 33 mijë euro shishe në zyra…, kalon në makabritet sepse nuk mendoj se ka lënë ndonjë të afërmin e tij pa ilaçe”, tha Berisha.
