Kryedemokrati Sali Berisha, zbuloi në konferencën me gazetarët çfarë i tha Belinda Balluku kryeministrit Edi Rama në mbledhjen pa media të Grupit Parlamentar të PS-së.
Kreu i PD tha se burime të fshehta të PS njoftojnë se në mbledhjen e zhvilluar Edi Rama ka mbrojtur Ballukun duke deklaruar se këto janë sulme ndaj Lubisë dhe partisë së tij dhe se Lubia është e pafajshme.
Ndërkohë Balluku u ka bërë të qartë Ramës dhe të pranishmëve atje se do i marrë me vete.
“Lubi Balluku ka nxjerrë dhëmbët e kërcënimit ndaj Ramës të parit, por edhe tjerëve me radhë. Burime të fshehta të PS njoftojnë se në mbledhjen e zhvilluar të PS ku Edi Rama ka sulmuar SKAP dhe ka mbrojtur Lubinë duke deklaruar se këto janë sulme ndaj Lubisë dhe partisë së tij se Lubia është e pafajshme. Lubia vetë ka qenë e egër dhe e pamëshirë ndaj audiencës. Edhe në këtë mbledhje Lubia ka bërë të qartë se do u marr me vete.
Atë që i tha Ramës në mbledhje ua a tha dhe të tjerëve në mbledhje aty, ku eksponent kryesor ishte përveç Ogertës edhe pëllumbesha Spirogjoka.
Lubia ka qenë shumë e egër në atë mbledhje. Ndaj dhe Ramës ia ka bërë të qartë, absolutisht për çdo gjë që mund të avancojë do jesh ti kurban para meje, sepse s’kam bërë gjë tjetër veç se kam zbatuar urdhrat e tu.
Ajo ka rikujtuar mos lejo të përsëritet më, sepse nuk do lejoj kurrë që të kem fatin e gjyshit tim që u ekzekutua me firmën e babait tënd.
Ia ka vu kufirin te Thana dhe ka dëshmuar se është e gatshme të fshijë të gjitha miqësitë nëse Rama guxon për një moment që për të shpëtuar veten të dorëzojë Lubinë.”– tha Berisha.
