Një 37-vjeçar nga Tirana është ndaluar pas zbulimit të një aktiviteti të paligjshëm në lokalin e tij në zonën e Kombinatit.
Lokali ishte përshtatur për organizimin e lojërave të fatit, ndërkohë që në të ishte punësuar ilegalisht një 15-vjeçar si kamerier dhe ndihmës në zhvillimin e basteve sportive.
Gjatë kontrollit, janë sekuestruar dy celularë dhe një kompjuter, të cilët dyshohet se përdoreshin për zhvillimin e lojërave të fatit. I mituri, përveçse i punësuar pa dokumentacion, kishte rol aktiv në organizimin e basteve për llogari të pronarit të lokalit.
Ndaj 37-vjeçarit është marrë masa e ndalimit, ndërsa për të miturin ka nisur procedimi në gjendje të lirë.
