Gjashtë persona humbën jetën dhe pesë të tjerë u plagosën nga një zjarr i madh që përfshiu një fabrikë parfumesh në veriperëndim të Turqisë.
Ngjarja tragjike ndodhi në qytezën Dilovasi, 70 kilometra në lindje të Stambollit.
Njëri nga të plagosurit ndodhet në gjendje të rëndë në spital.
Shkaqet e zjarrit janë ende të paqarta, ndërsa autoritetet kanë nisur hetimet.
Policia shoqëroi 3 të dyshuar për përgjegjësi në këtë ngjarje.
