Ambera Saliji, shqiptarja nga Maqedonia e Veriut, është arrestuar në Itali pasi dyshohet për bashkëpunim në vrasjen e Ismail Lulit, 17-vjeçarit shqiptar, që ndodhi në korrik 2015 në Sant’Angelo in Vado, provinca Pesaro-Urbino. Ajo ishte dënuar më parë me pesë vite e tre muaj burg.
Sipas hetimeve dhe vendimit gjyqësor, Ambera dyshohet se e ka joshur viktimën në një pritë, por nuk ka marrë pjesë në ekzekutimin e tij. Vrasësit kryesorë, dy shtetas shqiptarë, u arrestuan disa orë pas krimit dhe u dënuan me burgim të përjetshëm.
Ngjarja ndodhi pas një mosmarrëveshjeje midis viktimës dhe njërës prej autorëve, me Amberan që i ishte afruar Ismail Lulit me pretekstin e një takimi sqarues. Ajo dyshohet se e çoi viktimën në stacionin e autobusit, ku e prisnin Igli Meta dhe Marijo Mema, të cilët e torturuan dhe më pas e vranë.
Arrestimi i Amberës u krye nga Karabinierët pas një urdhri të lëshuar nga Prokuroria e Urbinos, ndërsa ajo po planifikonte largimin drejt Maqedonisë së Veriut.
