Dy persona janë arrestuar në kuadër të një operacioni policor, i cili u zhvillua në zonën e Kuçovës dhe Dimalit.
Njëri prej të arrestuarve, 41 vjeç nga fshati Drenovicë, Dimal, kishte përshtatur ambientet e një lokali për shpërndarjen dhe përdorimin e lëndëve narkotike.
Gjatë kontrollit në këtë lokal, u gjetën dhe u sekuestruan një armë zjarri automatik, një sasi lënde narkotike e dyshuar kanabis, një peshore elektronike dhe 30 fishekë luftarak.
Personi tjetër, 27 vjeç nga fshati Tapi, Kuçovë, ndodhej nën masën e sigurisë “Arrest në shtëpi” për veprat penale “Prodhimi dhe shitja e lëndëve narkotike” dhe “Drejtimi i mjetit në mënyrë të parregullt”.
Gjatë kontrollit në banesën e tij, u gjet dhe u sekuestrua një sasi tjetër lënde narkotike e dyshuar kanabis.
