Një pamje e pazakontë është publikuar ditën e sotme nga ambientet e Komisionit Qendror të Zgjedhjeve në Tiranë, (KQZ) ku një automjet është parkuar në mënyrë krejtësisht të gabuar, mbi një shteg kalimi për këmbësorë, pranë hyrjes së institucionit.
Siç shihet në foton e mësipërme, mjeti ndodhet i futur mes gjelbërimit dhe trotuarit, duke bllokuar totalisht kalimin.
Pamja ngre dyshime nëse mjeti i përket ndonjë punonjësi apo zyrtari të KQZ-së, pasi makina ndodhet brenda perimetrit të institucionit, megjithatë parkimi si në ‘oborr privat’ duket se është bërë rutinë tashmë për zyrtarët e shtetit të cilët shkelin rregullat e ligjet sipas oreksit.
