Mbyllet java e 10-të e Superiores me Vllazninë që rikthehet në krye, por këtë herë me pikë të barabarta me Elbasanin, pas barazimit 2-2 që mori në Rrogozhinë, përballë Egnatias.
Një ndeshje mjaft e luftuar deri në fund ku kampionët nuk u dorëzuan deri në fund edhe pse nga minuta e 75-të ku Vllaznia kaloi në avantazh me penalltinë që shkaktoi, Fangaj mori të verdhin e dytë dhe e la ekipin e tij me një lojtarë më pak.
Ndeshja filloi me vrrullë nga të dyja ekipet por të parët që kaluan në avantazh ishin miqt nga shkodra që me Kallakun në minutën e 43-të, pak përpara mbylljes së pjesës së parë.
Megjithatë djemt e Tetovës vazhdojnë të shtyjnë për të kërkuar barazimin që e arrijnë në minutën e 62-të me Yahajan që përfiton nga një rrëmujë në zonën shkodrane.
Episodi i penalltisë më pas lë vendasit me një lojtarë më pak dhe i jep mundësinë Vllaznisë të kalojë sërish në avantazh që e bën pasi Balaj arriti ta shndërrojë në gol 11-metërshin. Gjithçka u duk tashmë se po fliste për ekipin e Edi Martinit, kur kishin mbetur dhe rreth 20 minuta lojë, në avantazh po dhe kundërshtari me një lojtarë më pak.
Ndërkohë që shumë pak, për të mos thënë aspak, nuk u vu re që rrogozhinasit luajtën me një lojtarë më pak në ato minuta, ku kërkuan me ngulm të mos dilnin të humbur dhe Jaime 5 minuta nga përfundimi i kohës së rregullt bën mrekullinë me një goditje standarte në vijën e 16 m duke e ndalur topin në rrjetë dhe rikthyer barazimin që në ato kushte u festua si një fitore nga vendasit dhe u pa si nj humbje nga Shkodranët.
Ndërkohë në barazim, por pa gola është mbyllur edhe ndeshja tjetër e kësaj jave të Superligës që u luajt në “Arenën e Demave”.
Vora si pritëse këtë herë në fushën e të kuqve të kryeqytetit, arriti të mbajjë një barazim që i ndan nga një pikë ekipeve, ndërkohë që Partizani ishte i pafat në këtë 90 mintësh pasi krijoi më tepër raste dhe në një moment kundërshtari dhe në një tjetër shtylla nuk i lejoi të merrte më tepër.
