Policia e Devollit ka shoqëruar në komisariat Alti Nallbatin, Marsel Buçin dhe Trajan Çelikun. Alti Nallbati, i njohur me nofkën “Duçja” është vëllai i deputetit të PD-së, Bledion Nallbati, me precedent të mëparshëm penalë.
Burime për mediat bëjnë me dije se tre shtetasit e mësipërm, dy ditë më parë dyshohet se kanë marrë peng shtetasin Ilir Topçiu, në fshatin Vishocicë, i cili aktualisht ishte me masën e sigurisë “Arrest në shtëpi”.
Sipas të njlëjtave burime, dyshohet se autorët e kanë keqtrajtuar në mjediset e banesës së njërit prej tyre. Mësohet se Policia e Devollit është ende duke kryer kontrolle për mbledhjen e provave.
Një prej të dyshuarve, Trajan Çeliku, u përfshi në ngjarjen e regjistruar më 1 Tetor në qytetin e Bilishtit, ku së bashku me dy shokët e tij, sulmuan me dru bejsbolli, 39-vjeçarin Guri Mazelliu.
Ndërkohë, Alti Nallbati, u përfshi në ngjarjen e ndodhur më 3 maj, pak ditë para zgjedhjeve parlamentare të 11 Majit, ku u kunfliktua me një shofer kamioni dhe e dhunoi me grushte.
