Një 25-vjeçar shqiptar është dënuar sot me një vit burg nga drejtësia angleze pas kapjes me drogë dhe para të paligjshme.
Bëhet fjalë për Tonin Bushin, i cili nëntorin e vitit 2023 u ndalua nga policia në Rrugën George IV në Kembrixh, ndërsa po drejtonte një Ford Fiesta pa sigurim dhe me patentë shqiptare.
Gjatë kontrollit, policia i gjeti 1,374 paund para të gatshme dhe tetë mbështjellës kokaine të fshehura në pantallonat e tij. Në Gjykatën e Kurorës së Kembrixhit, Bushi u shpall fajtor për posedim të kokainës së klasit të parë, pastrim parash dhe drejtim automjeti pa sigurim.
“Ky rast tregon rëndësinë e patrullave proaktive në ndërprerjen e krimit të lidhur me drogën. Oficerët vepruan shpejt, duke çuar në konfiskimin e drogës dhe një sasie të konsiderueshme parash,” tha Detektivi Konstabl Morgan French.
