Një makinë e djegur është gjetur ditën e sotme në Shkodër. Mësohet se makina e djegur është gjetur në fshatin Postribë.
Kjo makinë dyshohet se është përdorur nga autorët e atentatit me tritol ndaj punonjësit të Tatimeve Enea Busukja.
Vetë Busukja ndodhet në spital jashtë rrezikut për jetën.
Mësohet se lënda plasëse është vendosur në një motor të parkuar afër automjetit me të cilin do lëvizte Busukja.
Sapo punonjësi i tatimeve ka dashur që të hipë në automjetin e tij, ka ndodhur shpërthimi i motorit që ka sjellë edhe plagosjen e tij.
