Pronari i një lokali në Shkodër ka denoncuar një rast të pakëndshëm, ku një grup turistësh të huaj, dyshohet spanjollë, janë larguar nga lokali i tij pa paguar faturën.
Sipas tij, ngjarja ka ndodhur në momentin kur lokali ishte i mbushur plot me klientë. Ai ka treguar se bëhej fjalë për tetë persona që udhëtonin me dy automjete, njëri prej të cilëve ishte një Seat i kuq.
Fatura që turistët nuk kanë paguar ka qenë rreth 4000 lekë të reja. Fillimisht, katër prej tyre janë larguar duke thënë se po shkonin të tërhiqnin para nga banka, ndërsa të tjerët kanë dalë një e nga një me justifikimin se po dilnin për të pirë duhan.
“Pershendetje Joq! Nese keni mundesi dhe e shifni te arsyeshme mi publikoni kto foto te ktyre turistave qe iken nga lokali im ne Shkoder pa paguar! Te pakten mos te bin tjeter kush viktim.
Ishin 8 veta me dy makina njeren arrita ta kap me foto seatin e kuq tjetren jo. 4000 leke te reja ishte fatura
Ne fillim iken 4 veta me pertekstin se po i nxerrshin leket nga banka,ndersa 4 tjeret dolen nje nga nje gjoja me pi duhan ! Sa me shikunen se me xunen klientat tjere iken vrap. Spanjoll ishin me duket, po i referohem gjuhes qe flitshin”- ka denoncuar pronari për JOQ.
