Kryeministri Edi Rama, i pranishëm në konferencën “30 vite partneritet dhe progres: Shqipëria, Këshilli i Europës dhe Komisioni i Venecias”, foli në delir.
Rama tha se Komisioni i Venecias dhe demokracia shqiptare janë shokë materniteti, por si duket nuk e ka të qartë se kanë ndjekur dy rrugë krejt të ndryshme. Demokracia në Shqipëri është thuajse inekzistente pasi vendin ia ka zënë intimidimi, presioni ndaj fjalës së lirë, korrupsioni, etj.
“Shumë faleminderit për organizimin e kësaj konference për këtë institucion që ka vijuar për përpjekjen e Shqipërisë për t’u demokratizuar dhe transformuar nga një vend i sapodalë nga diktatura, drejt një vendi si BE. Komisioni i Venecias dhe demokracia shqiptare janë shokë materniteti. Lindën në vitet 90. I bashkuan vlerat e lirisë me dëshirën për t’u njësuar me parimet e demokracisë. Demokracia shqiptare si një ëndërr e shumë ëndërruar që më në fund pa hapur shtegun e saj. Historia e zhvillimit demokratik në Shqipëri është ngushtësisht e lidhur me historinë e lidhjes dhe forcimit e influencës për ndihmë dhe nevojë mbështetje.”, tha Rama.
