Kreu i Partisë Demokratike, Sali Berisha ka akuzuar qeverinë se po mban në këmbë ekonominë e vendit përmes pastrimit të parave në sektorin e ndërtimit.
Berisha shprehet se 56 mijë apartamente qëndrojnë bosh, pasi janë ndërtuar për të pastruar paratë e pista.
Kryedemokrati thekson se me çmimet e vendosura për këto ndërtime, qytetarët e ndershëm nuk përballojnë dot as një metër katror në kullat e ngritura me para droge.
“Ekonomia e narko-shtetit mbahet në këmbë nga pastrimi i parave në sektorin e ndërtimit.
Ndërkohë që 56 mijë apartamente qëndrojnë bosh, qytetarët e ndershëm nuk përballojnë dot as një metër katror në kullat e ngritura me para droge”, shkruan ai në rrjetin social “Facebook”.
