Presidenti ukrainas Volodymyr Zelensky konfirmoi vizitën e tij në Shtëpinë e Bardhë këtë të premte, ku do të takohet me Presidentin amerikan Donald Trump.
“Duhet të diskutojmë hapat që dua t’i propozoj Presidentit Trump,” tha Zelensky gjatë një konference për shtyp në Kiev. Ky do të jetë takimi i tretë i dy liderëve që kur Trump u rikthye në detyrë në janar.
Vizita vjen pas tensioneve të rritura në Europën Lindore, ku presidenti i Bjellorusisë paralajmëroi se “Ukraina mund të pushojë së ekzistuari si shtet”. Takimi pritet të fokusohet në sigurinë rajonale dhe mbështetjen amerikane për Ukrainën.
Takimi i dytë mes Zelensky dhe Trump kishte përfunduar me përplasje në Zyrën Ovale, por marrëdhëniet mes dy liderëve shënuan përparim gjatë verës.
