Ka nisur procesi i numërimi të votave për zgjedhjen e kryetarëve të komunave në Kosovë., të cilat u mbajnë këtë të diel. Për t’u njohur me rezultatin në kohë reale, KLIKONI KËTU, në linkun e Komisionit Qëndror të Zgjedhjeve, e cila i përditëson të dhënat. (LINKU)
Ndërkohë, ka ardhur një reagim edhe nga kryeministri Albin Kurti, i cili përshëndet procesin e votimit dhe thotë se kosovarët dëshmuan edhe një herë kulturë demokratike. Me nisjen e numërimit të votave për kandidatët për Kryetarë Komunash Kurti bën thirrje që komisionerët duhet edhe ti ruajnë votat përveçse t’i numërojnë ato.
“Sot, me qetësi e maturi, qytetarët e Kosovës dëshmuan edhe njëherë kulturën demokratike duke kaluar ditën e zgjedhjeve lokale me dinjitet e përgjegjësi.
Falënderoj të gjithë qytetarët për mbështetjen për Lëvizjen VETËVENDOSJE! dhe kandidatët tanë nëpër komuna. Ky besim është forca jonë për të vazhduar me punë e përkushtim përpara.
Por, tash është koha e komisionerëve dhe vëzhguesve, të cilët jo vetëm i numërojnë votat, por edhe i ruajnë ato dhe vullnetin e shprehur të qytetarëve.” – shkruan Kurti.
