Presidentja e Komisionit Europian, Ursula von der Leyen do të jetë nesër, e hënë, 13 tetor, për një vizitë zyrtare në Tiranë, ku do të pritet nga Edi Rama në orën 09:50. Ceremonia e mirëseardhjes do të mbahet në Bulevardin “Dëshmorët e Kombit” në kryeqytet.
Në orën 10:00 do të zhvillohet një takim kokë më kokë mes Edi Ramës dhe presidentes von der Leyen, i cili do të pasohet nga takimi bilateral mes dy delegacioneve.
Më pas, në orën 11:15, Edi Rama dhe Ursula von der Leyen do të zhvillojnë konferencë të përbashkët për shtyp në Kryeministri.
Presidentja e Komisionit Evropian, ka zhvilluar takime herë pas here me udhëheqësit e vendeve të Ballkanit Perëndimor, me në fokus procesin e negociatave për anëtarësim.
Ky takim në Tiranë vjen në sajë të turit që Von der Leyen nis nesër zyrtarisht në Ballkanin Perëndimor. Përpos procesit të negociatave, do të diskutohet edhe Plani i Rritjes prej 6 miliardë eurosh të BE-së për Ballkanin Perëndimor për periudhën 2024–2027.
