Dy shtetase kineze janë arrestuar nga policia e Durrësit, pasi apartamentin që kishin marrë me qira e kishin kthyer në vend për ushtrimin e prostitucionit. Një shtetase tjetër kineze është shpallur në kërkim.
Sipas policisë, të arrestuarat janë M. Y., 41 vjeçe, dhe L. H., 48 vjeçe, të cilat akuzohen për “Prostitucion” dhe “Përshtatja e ambienteve për prostitucion”.
Tre persona të tjerë, të pranishëm në apartament, janë proceduar në gjendje të lirë për veprën penale “Prostitucion”.
Gjatë kontrollit u sekuestruan dy pasaporta, para në euro dhe lekë, pesë celularë, nëntë karta banke dhe një bllok shënimesh. Hetimet tregojnë se dy të arrestuarat kishin qenë të përfshira më parë në aktivitete të ngjashme në Durrës.
