Mbajtja e Konferencës së NATO-s për Mbrojtjen Kibernetike nga data 8 deri më 10 tetor 2025, do të sjellë kufizim qarkullimi për qytetarët në Tiranë.
Polica ka dalë me njoftim teksa deklaron se janë vendosur kufizime në lëvizjen e automjeteve dhe këmbësorëve, në disa nga zonat kryesore të kryeqytetit.
Ndalohet qarkullimi i automjeteve në:
Bulevardin “Dëshmorët e Kombit”, nga semafori pranë Presidencës deri te sheshi “Nënë Tereza” (përfshirë edhe sheshin);
Aksin që lidh hotelin “Marriott” me bulevardin “Dëshmorët e Kombit”.
Për këmbësorët, do të jetë i mbyllur trotuari nga hyrja e hotel “Rogner” deri te Pallati i Kongreseve, gjatë gjithë kohës së konferencës.
Kufizimet do të jenë në fuqi nga ora 07:00 e datës 9 tetor deri në ora 15:00 të datës 10 tetor 2025.
