Shoqata Europiane e Gjyqtarëve (EAJ) ka reaguar pas vrasjes së gjyqtarit të Gjykatës së Apelit, Astrit Kalaja, i cili u qëllua për vdekje nga Elvis Shkambi një ditë më parë gjatë ushtrimit të detyrës në sallën e gjyqit.
Në një mesazh të dërguar Shoqatës Shqiptare të Gjyqtarëve, bordi i EAJ shprehu ngushëllimet më të sinqerta dhe indinjatën e thellë për ngjarjen tragjike, duke garantuar mbështetje dhe solidaritet të plotë për kolegët shqiptarë.
“Në emër të Bordit të EAJ, dëshirojmë të shprehim ngushëllimet tona më të sinqerta dhe solidaritetin tonë të plotë për këtë humbje të rëndë,” thuhet në mesazhin zyrtar.
Mesazhi i plotë i EAJ
Të nderuar kolegë,
Me trishtim të thellë mësuam nga lajmet se një gjyqtare shqiptare është vrarë gjatë ushtrimit të detyrës së saj të hënën.
Në emër të Bordit të EAJ, dëshirojmë të shprehim ngushëllimet tona më të sinqerta dhe indinjatën e thellë për këtë ngjarje tragjike, duke ju shprehur mbështetjen dhe solidaritetin tonë të plotë.
Njëkohësisht, do të vlerësonim nëse mund të na informoni më shumë lidhur me rrethanat e ngjarjes, si dhe nëse EAJ mund të ofrojë ndonjë formë ndihme apo mbështetje.
Ju falënderojmë për vëmendjen.
