Policia e Krujës ka vënë në pranga një 43-vjeçar egjiptian, M. Sh., i dyshuar si autor i dy vjedhjeve të ndodhura gjatë muajve të fundit në zonën e Niklës dhe Qerekës.
Nga hetimet dhe verifikimi i pamjeve filmike rezulton se:
Më 20.09.2025, ky shtetas ka vjedhur me thyerje një shumë parash në një lokal në Nikël;
Më 03.10.2025, ka vjedhur vegla pune në një magazinë në fshatin Qerekë.
Policia po vijon hetimet për të zbardhur nëse 43-vjeçari është i përfshirë edhe në vjedhje të tjera të ndodhura në këtë zonë.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme ligjore, në ngarkim të tij për veprën penale “Vjedhja”.
