Mbledhja e Komisionit Rregullator të KQZ-së, e cila duhej të miratonte afatet për zgjedhjet e parakohshme të 9 nëntorit në gjashtë bashki, përfshirë Tiranën, ka dështuar këtë të shtunë.
Sipas raportimeve të A2CNN mbledhja u zhvillua vetëm me tre anëtarët e propozuar nga mazhoranca, pasi dy anëtarët e opozitës munguan, duke kërkuar më shumë kohë për shqyrtim.
Për shkak të mungesës së kuorumit, i cili kërkon të paktën katër vota, vendimet nuk u morën dhe mbledhja u shty për një ditë tjetër.
