Aeroporti i Mynihut është mbyllur sërish gjatë natës së kaluar, pasi u raportua prania e dronëve në zonë. Ky është incidenti i dytë i tillë brenda pak orësh, duke shkaktuar ndërprerje të shumta në trafikun ajror.
Një zëdhënës i policisë së aeroportit konfirmoi se të dy pistat u mbyllën si masë sigurie, ndërsa autoritetet nuk kanë dhënë ende detaje mbi shkaqet. Operacionet pritet të rifillojnë rreth orës 06:00 të mëngjesit të së shtunës.
Sipas të dhënave të Flightradar24, problemet nisën pas orës 22:00 të së premtes, më 3 tetor. Që nga ora 22:50, më shumë se 30 fluturime hyrëse u devijuan, një pjesë e lidhjeve u anuluan, ndërsa disa nisje mbetën të pezulluara.
“Kontrolli gjerman i trafikut ajror (DFS) kufizoi operacionet në aeroportin e Mynihut si një masë paraprake për shkak të pranisë së pakonfirmuar të dronëve. Zbulimi dhe mbrojtja ndaj tyre janë përgjegjësi e policisë federale dhe asaj shtetërore”, thuhet në një deklaratë të kompanisë që menaxhon aeroportin.
Ky është rasti i dytë në më pak se 24 orë që një nga aeroportet më të mëdha të Gjermanisë detyrohet të mbyllet për shkak të incidenteve me dronë.
For the second night in a row, Munich International Airport in Southern Germany has been closed for arriving and departing flights due to the sighting of unidentified drones in the airspace near Munich. pic.twitter.com/umU6lzwjRf
— OSINTdefender (@sentdefender) October 3, 2025
