Lideri i opozitës, Sali Berisha, deklaroi se PD dhe aleatët e saj janë aktualisht të fokusuar në përcaktimin e modelit të përbashkët për zgjedhjet lokale, duke theksuar se prioritet nuk janë emrat, por mënyra se si do të përfaqësohet opozita në garë.
Berisha u shpreh se diskutimet me aleatët kanë për qëllim të qartësojnë nëse kandidatura do të jetë politike e PD-së, e përbashkët e koalicionit apo e pavarur, e mbështetur nga të gjitha partitë opozitare.
Ai shtoi se opozita nuk do të tërhiqet nga gara, duke nënvizuar se PD ka emra të denjë dhe personalitete me vlera qytetare dhe morale të pakrahasueshme.
Sa i përket kandidaturave konkrete, Berisha theksoi se do të mbështesë modelin që pranohet më gjerësisht nga opozita, duke lënë të hapur mundësinë për një konsensus të plotë në vijim.
Pjesë nga deklarata:
Këto janë emra shumë të mirë. Janë personalitete me vlera qytetare dhe morale të pakrahasueshme.
Partia Demokratike siç unë kam shpjeguar këtu para jush, gjatë këtyre kohëve është marrë me modelin, jo me emrat. Me aleatët tanë ne kemi diskutuar për modelin që do ndjekim.
Dmth; do të jetë ky një kandidaturë politike e PD apo nuk do të jetë?
Do të jetë ky një kandidaturë politike e koalicionit apo nuk do të jetë?
Do të jetë ky një kandidaturë e pavarur që do e mbështesin të gjitha partitë e koalicionit apo nuk do jetë?
Pra, ku është konfuimi më i madh, dmth ujdia më e madhe, me cilin model. Por ne kandidatura kemi, kemi të pakrahasueshme me korbën e kovidit.
Dhe ne nga gara nuk tërhiqemi.
Unë i rezervoj vetes të drejtën që të mos prononcohem. Jam i gatshëm të mbështes modelin që pranohet më gjerësisht nga opozita.
Mundet po, mundet. Nuk e them me siguri, por mundet po.
