Policia e Devollit ka dhënë detaje për sherrin e ndodhur një ditë më parë në qytetin e Bilishtit, ku disa persona u përfshinë në konflikt fizik. Si pasojë, një 38-vjeçar mbeti i plagosur me thikë në këmbë.
Hetimet paraprake tregojnë se përplasja mund të ketë lidhje me ndarje parash të siguruara nga kontrabanda e mallrave. Gjatë përleshjes, Mazelliu ka plagosur me thikë një prej tyre dhe më pas është larguar me automjet.
Policia arrestoi në flagrancë 39-vjeçarin, ndërsa në pranga ra edhe një 37-vjeçar që ndihmoi personat e përfshirë në konflikt, duke i transportuar me automjet pa leje drejtimi.
Dy të tjerë, të identifikuar si M. B. (37 vjeç, me precedent penal) dhe T. Ç. (38 vjeç), u proceduan penalisht në gjendje të lirë pasi goditën sërish 39-vjeçarin dhe dëmtuan automjetin e tij me sende të forta.
