Policia e Vlorës ka identifikuar dhe arrestuar 29-vjeçarin që aksidentoi një këmbësore dhe u largua nga vendi i ngjarjes.
Ngjarja ndodhi më 30 shtator, rreth orës 16:00, në segmentin rrugor “Gjergj Kastrioti”, ku një 29-vjeçar, gjatë drejtimit të automjetit të tij, aksidentoi këmbësoren Z. M., 55 vjeçe, e cila po kalonte në vijat e bardha.
Pas aksidentit, drejtuesi i automjetit u largua nga vendi i ngjarjes, ndërsa e dëmtuara u dërgua në spital dhe ndodhet nën kujdesin e mjekëve.
“Më datë 30.09.2025, rreth orës 16:00, në segmentin rrugor “Gjergj Kastrioti”, një 29 vjeçar, gjatë drejtimit të automjetit të tij, aksidentoi këmbësoren Z. M., 55 vjeçe, e cila ishte duke kaluar në vendkalimin e këmbësorëve dhe u largua nga vendi i ngjarjes. Si pasojë 55-vjeçarja mbeti e dëmtuar dhe aktualisht ndodhet në spital nën kujdesin e mjekëve.”, njofton policia.
