Dinamo ka arritur të triumfojë në derbin e kryeqytetit përballë Tiranës, në ndeshjen e luajtur në stadiumin “Selman Stërmasi”, të vlefshme për javën e 5-të të Kategorisë Superiore.
Nga një gol për secilën pjesë i dhanë fitoren 1-2 “nëndetëses blu”, duke marrë kështu një rezultat pozitiv, pasi disa ndeshjeve zhgënjyese.
Sfida ka qenë e luftuar, sidomos në pjesën e parë të saj, me raste nga të dy ekipet. Por ishte Dinamo që kishte rastet më të mira dhe në minutën e ’24 të takimit gjeti golin e avantazhit me Bakary Goudiaby, i cili shënoi me kokë pas një goditje këndi.
Në fillimin e pjesës së dytë, më konkretisht në minutën e ’53, të besuarit e Ilir Dajës dyfishuan shifrat me anë të Lorenco Vilës, i cili shënoi pas një asisti të Nanit.
Por, Tirana shkurtoi shpejt diferencën, pasi në minutën e ’57, fitoi një penallti pas një prekje me dorë të Bruno Ditës. 11-metërshi u përkthye në gol nga Tsotne Patsatsia, i cili nuk fali para portës.
Dinamo kështu merr fitoren e dytë në 5 ndeshje, teksa momentalisht ndodhet në vendin e dytë me 7 pikë. Ndërkohë, Tirana vazhdon të ngelet në vendin e fundit të tabelës, ende pa fitore dhe me vetëm 2 pikë.
Në ndeshjen tjetër, Bylisi ka mposhtur Partizanin me shifrat 3-1, një fitore e cila erdhi me përmbysje rezultati.
Sfida fillimisht u zhbllokua nga “demat” me Isgandarlin, i cili u tregua i saktë nga pika e bardhë e penalltisë. Por ballshiotët nuk u dorëzuan duke rikthyer baraspeshën në të 42-ën me Malomon. Kështu u mbyll pjesa e parë e sfidës.
Në të dytën, Malomo gjeti golin e dytë falë një gabimi të Buxhelaj i cili ia dha topin “gati”. Sfida u vulos kur Kodji Mouctar shënoi të tretin për vendasit dhe Partizani “kapitulloi”.
Ballshiotët marrin kështu fitoren e parë për këtë sezon dhe ngjitet në kuotën e 6 pikëve, ndërsa Partiyani prek fundin, pasi mbetet në kuotën e 4 pikëve.
