Një ngjarje e rëndë është regjistruar në Bjeshkën e Pojanës, në Tropojë, ku një 79-vjeçar ka humbur jetën pasi mbi të ra një pemë gjatë prerjes.
Sipas policisë, një 39-vjeçar, i cili ishte duke prerë dru, dyshohet se ka shkaktuar aksidentalisht rrëzimin e pemës që përplasi të moshuarin.
Ky i fundit u transportua me urgjencë drejt spitalit, por fatkeqësisht ndërroi jetë rrugës. Autori i dyshuar është shpallur në kërkim nga policia.
