Kryeministri Edi Rama deklaroi se këto nuk janë ditët më të mira për Europën dhe Bashkimin Europian.
Duke folur përpara studentëve në Kolegjin e Europës në Bruzh Rama theksoi se Europa ka nevojë për një plan dhe duhet të ofrojë garanci sigurie për Ukrainën.
Ndër të tjera Rama nënvizoi se BE është realiteti i parë në historinë e hartave me dy kufij, një të jashtëm dhe një të brendshëm.
Ndërkohë duke folur për krimin dhe vjedhjet në Shqipëri, Rama del kundër fakteve dhe realitetit duke deklaruar se Shqipëria nën drejtimin e tij është një nga vendet më të sigurta në kontinent.
Ndërkohë për Britaninë e Madhe ka deklaruar se mbajnë vendin e parë për numrin e vjedhjeve.
“Shqipëria nuk është asgjë nga këto,” tha Rama, duke iu referuar stereotipeve që e paraqesin vendin si të rrezikshëm.
“Këta njerëz, më së fundi po përhapin fjalën që vendi ynë nuk është një vend i zymtë, pa diell, e kriminal, ku shansi më i mirë është të të vjedhin dhe më i keqi është të të përdhunojnë.
Shqipëria nuk është asgjë nga këto. Ata që vijnë nga mbarë Europa e kuptojnë realisht që Shqipëria është vendi me numrin më të ulët të vjedhjeve të shtëpive në Europë. Mbretëria e Bashkuar është i pari. Ata thonë po, se shqiptarët kanë shkuar atje. Kështu bëhesh kur lë Bashkimin Europian. Flet shumë gjepura”, u shpreh Rama.
