Kryetari i grupit parlamentar të Partisë Demokratike, Gazment Bardhi, gjatë një interpelance në seancën e sotme ka akuzuar deputetët e Partisë Socialiste se janë kthyer në “noterë” të qeverisë, duke i shërbyer vetëm interesave të qeverisë dhe oligarkëve.
Bardhi tha se Kuvendi po kalon ligje që janë “klienteliste” dhe që janë propozuar nga individë të lidhur me oligarkët, dhe këto ligje po miratohen vetëm me votat e shumicës parlamentare. Ai shtoi se ky është një shqetësim i vërtetë që nuk po merret parasysh.
Gazment Bardhi: Nuk mund të ecim tha parafolësi me strukturën e vjetër të Komisioneve Parlamentare, a thua se shqetësimi i vetëm që ka ky Kuvend. Ky krah i shumicës parlamentare janë kthyer në noter të qeverisë, në këtë Kuvend me vota të maxhorancës votohen ligje klienteliste, të propozuara nga oligarkët.
Ky është shqetësimi që ka Kuvendi. Keni kaluar lige të shkruara në kompjuterin e Klodian Zotos, nuk ka shqetësim Kuvendi në organizohet në 8 apo 10 Komisione.
Sa i takon ndryshimeve të Rregullores, duhet t’ju turpërojë si Kryetar i Kuvendit. Ndryshimet diktohen nga kreu i ekzekutivit, pasi gjithë verës i diktoi strukturat pushtetit lokal, pasi i dikton vendimet gjyqtarët e prokurorëve, e i sulmon. Kuvendi i diktohet ekzekutivit. Ku ndodh dhe del Kryeministri thotë që Kuvendi organizohet sipas Këshillit të Ministrave. Nuk është një partiak. Doli dhe tha që ju kemi lënë më shumë fusha përgjegjësie.
