Një çift të moshuarish kanë rënë pre e një grabitje me dhunë në banesën e tyre në Finiq. Ngjarja ka ndodhur rreth orës 01:00, në fshatin “Lefter Talo”
Sipas autoriteve policore, dy shtetas të paidentifikuar kanë hyrë me forcë dhe kanë vjedhur një shumë parash, në banesën e shtetasit Spiro Kalivioti, 78 vjeç. Autorët dyshohet se gjatë kryerjes së vjedhjes kanë ushtruar dhunë fizike ndaj shtetasit Spiro Kalivioti dhe bashkëshortes së tij, Dhespo Kalivioti, 79 vjeçe.
Policia thotë se grupi hetimor po vijon punën për identifikimin dhe kapjen e autorëve, si dhe për zbardhjen dhe dokumentimin e plotë të kësaj ngjarjeje.
