Një ngjarje e rëndë është regjistruar mbrëmjen e djeshme në Itali. Një burrë 70-vjeçar tentoi vetëvrasje duke u hedhur nga ballkoni i apartamentit të tij në katin e katërt në periferitë perëndimore të Milanos .
Gjithsesi, fati kishte rezervuar një ngjarje jo të zakontë. Burri, në vend që të përfundonte në trotuar, ra mbi një 83-vjeçare, e cila u gjet aty rastësisht duke ecur në këmbë.
E moshuara 83-vjeçare ndërroi jetë në vend, ndërsa burri arriti t’i mbijetonte tentativës së vetëvrasjes. Ai u transportua në Spitalin Niguarda dhe mjekët raportuan se ai ndodhet jashtë rrezikut për jetën.
Burri u akuzua për vrasje të paqëllimshme në gjendje të lirë. Pasi kalimtarët dhanë alarmin, mbërritën ambulancat, së bashku me karabinierët, të cilët rindërtuan incidentin.
