Një aksident i rëndë ka ndodhur në orët e para të mëngjesit në qytetin e Kukësit. Një automjet ka humbur kontrollin, është përplasur fillimisht me disa makina të parkuara dhe më pas ka përfunduar disa metra më poshtë.
Në mjet ndodheshin dy të rinj, një 22-vjeçar dhe një 17-vjeçar. Fillimisht ata u dërguan në spitalin e Kukësit për ndihmë mjekësore. Por gjendja e tyre është përkeqësuar dhe ka kërkuar transferim.
22-vjeçari është nisur drejt spitalit të Prizrenit, ndërsa 17-vjeçari ndodhet në gjendje kritike për shkak të një hemorragjie të brendshme në kokë dhe dëmtimeve të organeve të brendshme. Ai është dërguar në Spitalin e Traumës në Tiranë, ku po merr trajtim të specializuar.
