Kryesia e Partisë Demokratike vendosi vetëm pak më parë të mos njohë zgjedhjet e 11 majit.
Në një prononcim për mediat, kreu i PD Sali Berisha u shpreh se me Edi Ramën nuk ka zgjedhje të lira, ndërsa tha se PD do të bëjë një analizë për zgjedhjet.
Berisha theksoi në fjalën e tij edhe një herë për rezolutat ndërkombëtare që bazohen në dokumentacionet e dorëzuara nga PD, të cilat damkosin zgjedhjet elektorale në Shqipëri, të fituara nga Edi Rama.
“Me Edi Ramën nuk ka zgjedhje të lira. Janë 5 rezoluta ndërkombëtare të bazuara në dokumentet e dorëzuara nga PS që damkosin Ramën si kryetar të një narkoshteti, njeri që zhvillon farsë elektorale dhe përdor institucionet për të shtypur pluralizmit.
Të vendosur për bashkëpunim të ngushtë ndërkombëtar por jemi të bindur që vetëm shqiptarët mund të kthejnë votën e lirë.
PD është parti e fjalës së lirë dhe debatit të lirë. Do të kemi analizë për 11 majin ku janë të ftuar të gjithë anëtarët dhe mbështetësit të japin mendimin e tyre, ende nuk kemi një datë sepse kemi disa probleme por askush të mos mendojë se nuk do të ketë analizë’, tha ai.
