Franca është përfshirë nga protesta të gjera të lëvizjes së re “Bloquons tout” , e cila ka ndërprerë trafikun në disa qytete dhe autostrada, duke paralizuar vendin. Autoritetet raportojnë për qindra arrestime, ndërsa tensionet politike në vend po thellohen.
Protestuesit, që krahasohen me lëvizjen e “Jelekëverdhëve” të vitit 2018, akuzojnë qeverinë dhe presidentin Emmanuel Macron për politika të dështura dhe kërkojnë ndryshime rrënjësore në sistemin politik francez. Sipas analistëve, lëvizja ka nisur nga grupe të krahut të djathtë, por është përhapur edhe te e majta ekstreme.
Protestat po zhvillohen vetëm dy ditë pasi parlamenti rrëzoi kryeministrin François Bayrou, ndërsa Macron emëroi pasuesin e tij Sébastien Lecornu, i pesti kryeministër në më pak se dy vjet. Opozita e majtë ka paralajmëruar një mocion të ri mosbesimi, ndërsa Tubimi Kombëtar i ekstremit të djathtë ka sinjalizuar gatishmëri për bashkëpunim me qeverinë.
Ministri i Brendshëm, Bruno Retaill, deklaroi se rreth 50 persona të maskuar u përpoqën të ngrinin një bllokadë në Bordeaux, ndërsa në Toulouse një zjarr në kabllo shkaktoi ndërprerje të trafikut. Policia e Parisit njoftoi se mbi 200 persona u arrestuan vetëm në kryeqytet.
Mediat franceze raportojnë se numri i pjesëmarrësve në demonstrata mund të ketë arritur deri në 100,000.
