Gazetarja Klodiana Lala ka zbuluar detaje mbi të shkuarën e autorit të vrasjes së dyfishtë në Shkodër, Ragip Gila. Në emisionin “Opinion”, ajo tregoi se arrestimi i Gilës në vitin 2023 erdhi pas një denoncimi brenda familjes.
Sipas Lalës, gjithçka nisi kur vëllai i Gilës denoncoi në polici “humbjen” e bashkëshortes. Por kur gruaja u gjet, ajo deklaroi se nuk kishte humbur, por ishte kërcënuar dhe kishte dijeni për armë të fshehura në banesë.
“Policia shkoi dhe gjeti armë, paruke dhe sende të paligjshme. Gjatë përgjimeve, Ragip Gila e trajnonte vëllain sesi t’i shmangej policisë. Ai u hetua dhe u shpall fajtor për lëndët narkotike. Fillimisht u dënua me 5 vite burg, por përfitoi ulje dënimi për shkak të gjykimit të shkurtuar,” – tha gazetarja.
