Dy automjete në pronësi të një 35-vjeçari janë djegur gjatë orëve të para të mëngjesit të sotëm (7 shtator), në fshatin Prekal të Shkodrës.
Bëhet fjalë për dy automjete të markave “Benz” dhe “Range Rover”, të dyja në përdorim të shtetasit Eduard Ndou. Sipas burimeve zyrtare, makina ishin të parkuara në rrugën pranë banesës së 35-vjeçarit, në momentin kur janë përfshirë nga zjarri.
Policia po merr në pyetje 35-vjeçarin dhe pritet ekspertiza piroteknike për të vlerësuar nëse kemi të bëjmë me një akt të qëllimshëm zjarr vënieje, apo një ngjarje aksidentale.
Autoritetet thonë se grupi hetimor po punon për sqarimin e plotë të rrethanave dhe të shkakut të rënies së zjarrit.
