Mbi 425 persona janë arrestuar gjatë një proteste në Sheshin e Parlamentit në Londër.
Shumica e arrestimeve janë për mbështetje të organizatës Palestine Action, ndërsa disa u arrestuan për sulme ndaj policisë dhe shkelje të rendit publik. Organizata u shpall e paligjshme në korrik, në kuadër të Ligjit për Terrorizmin në Britaninë e Madhe.
Protestuesit, përfshirë të moshuar dhe pensionistë, mbajtën pankarta me mesazhe si “Jemi kundër gjenocidit, mbështesim aksionin për Palestinën” dhe shumë prej tyre ndoqën udhëzimet e organizatorëve gjatë protestës.
Amnesty International dhe aktivistë të tjerë kritikuan qasjen e qeverisë, duke i konsideruar arrestimet “shkelje të të drejtave për fjalën e lirë”.
Organizatorët vlerësuan se rreth 1,500 persona ishin duke protestuar në Westminster, ndërsa tensionet mes policisë dhe demonstruesve mbetën të larta gjatë gjithë ditës.
Palestine Action është një grup aktivistësh që kundërshtojnë politikën e qeverisë britanike ndaj Izraelit dhe aktivitetet që ata i konsiderojnë të lidhura me genocidin në Gaza. Në korrik, qeveria britanike e shpalli grupin të paligjshëm nën Ligjin për Terrorizmin, duke e bërë çdo pjesëmarrje apo mbështetje penalisht të ndaluar dhe të dënueshme me deri në 14 vite burg
