Policia ka reaguar pas ngjarjes së rëndë që ndodhi mbrëmjen e së enjtes në Shkodër, ku u ekzekutua 34-vjeçari Kristian Kola.
Në njoftim e unifromave blu bëhet me dije se ngjarja ndodhi rreth orës 22:30 në lagjen “Vasil Shanto”, në rrethana ende të paqarta, kur dy persona të paidentifikuar dyshohet se qëlluan viktimën me armë zjarri, ndërsa ai ndodhej jashtë një lokali.
“Rreth orës 22:30, në lagjen “Vasil Shanto”, në rrethana ende të paqarta, dy shtetas ende të paidentifikuar dyshohet se kanë vrarë me armë zjarri shtetasin K. K., 34 vjeç, i cili ishte në ambientet e jashtme të një lokali.”, njofton policia.
