Shkencëtarë nga SHBA-ja dhe Kina kanë zhvilluar një çip revolucionar 6G, i aftë të transmetojë të dhëna me shpejtësi që tejkalojnë 100 gigabajt për sekondë. Kjo shpejtësi është 10 herë më e lartë se maksimumi teorik i rrjetit 5G dhe pothuajse 500 herë më e shpejtë se shpejtësitë mesatare të 5G-së, sipas raportimeve të Science Alert.
Çipi i ri është rezultat i bashkëpunimit midis Universitetit të Pekinit, Universitetit të Hong Kongut dhe Universitetit të Kalifornisë në Santa Barbara, dhe njihet për efikasitetin e jashtëzakonshëm. Pavarësisht dimensioneve të tij të vogla, 11 x 1.7 milimetra, ky çip funksionon në një spektër frekuencash ultra-wideband nga 0.5 GHz deri në 115 GHz.
Për të mbuluar këtë gamë të gjerë frekuencash, çipi përdor nëntë banda të ndryshme radioje, një detyrë që zakonisht do të kërkonte shumë më shumë komponentë elektronikë. Çelësi i inovacionit qëndron në përdorimin e një modulatori elektro-optik, i cili konverton sinjalet radio në sinjale optike, duke mundësuar transmetim të shpejtë dhe të qëndrueshëm të të dhënave.
Ekspertët parashikojnë se sistemi 6G mund të jetë gati për përdorim gjatë dekadës së ardhshme, duke hapur mundësi të reja për internetin ultra të shpejtë, komunikimin e avancuar dhe teknologjitë e reja të inteligjencës artificiale.
