Është caktuar data dhe ora ku do të shqyrtohet kërkesa në GJKKO për ndryshimin e masës së sigurisë “arrest me burg” të Presidentit të PL-së Ilir Meta.
GJKKO ka njoftuar se seanca do të mbahet të hënën e 8 shtatorit në orën 10:00.
“Gjykata e Posaçme e Apelit për Korrupsionin dhe Krimin e Organizuar ka njoftuar caktimin e seancës gjyqësore në lidhje me ankimimin e paraqitur nga i pandehuri Ilir Metaj.
Seanca do të zhvillohet më 08.09.2025, ora 10:00, në ambientet e kësaj gjykate, dhe ka si objekt ankimin ndaj vendimit nr. 546, datë 13.08.2025, të dhënë nga Gjykata e Posaçme e Shkallës së Parë për Korrupsionin dhe Krimin e Organizuar. Ky vendim lidhet me masën e sigurimit personal “arrest në burg” ndaj Metajt. do të shqyrtohet ankimi i presidentit të PL-së”, thuhet në njoftim.
Kujtojmë që Ilir Meta akuzohet për tre akuza nga SPAK: “Korrupsioni pasiv i personave që ushtrojnë funksione publike”, “Falsifikim i vulave, stampave ose formularëve”, “Pastrimi i produkteve të veprës penale”.
