Ka shkuar në dy numri i viktimva të aksidentit tragjik të regjistruar ditën e djeshme në autostradën Levan-Vlorë, në afërsi të fshatit Panaja. Ngjarja ndodhi rreth orës 14:15, në vendin e quajtur “Kripa”.
Burime bëjnë me dije se ka ndërruar jetë në spital, rreth orës 01:00 të mëngjesit edhe Artan Muho, duke mos u mbijetuar dot plagëve të marra. Ai ndodhej si pasagjer në kamionçinën që drejtohej nga 62-vjeçari Alfred Hasani, i cili humbi jetën në vendin e ngjarjes.
Kamionçina me të cilën ata udhëtonin u godit nga pas nga një automjet tip “Dacia” me targa AA408XY me drejtuese shtetasen italiane Angela Tanzillo 28 vjeçe. Si pasojë e goditjes, kamionçina u përoplas fillimisht me barrierat anësore të autostradës dhe më pas u përmbys anash rrugës.
Alfred Hasani humbi jetën në vendin e ngjarjes, ndërsa Artan Muho mbeti i plagosur rëndë dhe u dërgua me urgjencë në spital, por sërish nuk arriti dot t’u mbijetonte plagëve të marra, duke ndërruar jetë disa orë më vonë.
Shoferja italiane, Angela Tanzillo u shoqërua në komisariat dhe pritet arrestimi i saj, pas kryerjes së veprimeve hetimore.
