Një zonjë nga Durrësi ka denoncuar një agjenci imobiliare në zonën e plazhit, e cila sipas saj e ka mashtruar dhe keqtrajtuar.
Ajo ka treguar se para dy muajsh është interesuar për të blerë një apartament me kredi, por për shkak të disa borxheve kishte nevojë për ndihmën e agjencisë “Dita Real Estate Durrës”.
Sipas saj, agjencia i kishte premtuar një apartament me sipërfaqe 58 m², por në fakt apartamenti ishte vetëm 52 m². Pa e ditur këtë fakt, ajo i ka lënë agjencisë një kapar prej 2.8 milionë lekësh dhe kur zbuloi sipërfaqen e vërtetë dhe kërkoi të tërhiqte kaparin, qytetarja thotë se përfaqësuesi i agjencisë e ka ofenduar, kërcënuar dhe tërhequr me forcë jashtë zyrave të tyre.
Ajo ka shkuar në polici dhe në krimin ekonomik për të bërë denoncim, por aty ka zbuluar se agjencia nuk kishte licencë për veprimtarinë dhe nuk kishte lëshuar kupona tatimore apo kontrata të vlefshme. Por pavarësisht këtyre fakteve, qytetarja thotë se deri tani nuk është marrë asnjë masë dhe çështja është në prokurori, ndërsa ajo nuk ka marrë asnjë njoftim.
Sipas denoncueses, apartamenti që do të blinte ishte shitur një muaj më parë dikujt tjetër dhe letra zyrtare janë bërë më 31 korrik 2025. Ajo ka edhe dëshmi audio ku pronarja e apartamentit konfirmon sipërfaqen reale të banesës dhe faktin që agjencia kishte marrë kapar edhe nga blerës të tjerë.
Qytetarja kërkon ndihmë nga shteti dhe nisjen reale e të menjëhershme të hetimeve, pasi si një nënë që lë vetëm fëmijët për të punuar 14 orë, kjo situatë e ka stresuar dhe rënduar emocionalisht pasi përveç problemeve shëndetësore e financiare, tani po përballet edhe me këtë mashtrim. Ajo kërkon që autoritetet të veprojnë dhe të zbardhin këtë rast mashtrimi dhe dhune ndaj saj.
Denoncimi i qytetares:
Miredita jam nje zonje nga qyteti i Durresit banoj ne plazh para 2 muajsh kishim deshire te blenim nje apartament do mernim kredi kisha ca borxhe dhe fola me nje agjensi ketu ne plazh. E lame per te pare nje apartament. E pame, por djali agjensise na genjeu per m2 shtepia eshte 52 m2 neve na tha 58m2. Dhe kjo agjensi na beri nje dokument per te lene nje kapar dhe ju dhashe Dy milion E teteqind mije leke.
Pasi jua dhashe leket keta me nisen sa eshte realisht apartamenti. Nuk doja ta merrja apartamentin vajta ti kerkoja kaparin. Zoteria me ka ofenduar me ka kercenuar dhe me terhoqi zvarre me nxorri jashte nga agjensia. Vajta ne polici asnje mase nuk moren. Vajta idenoncova tek krimi ekonomik atje u thane atyre qe nuk i keni prere kupon tatimor zonjes dhe nuk keni bere kontrate te vlefshme para nje noteri dhe u zbuluan qe nuk kishin lishence per ushtrimin e punes qe bejne per pasurite e patundshme. Por asnje mase nuk u mor, thone ceshtja eshtë me prokurori dhe asnje njoftim nuk kam mare
Ju lutem me ndihmoni jam nje nene qe po le femijet vetem 14 ore ne shtepi po punoj se kemi 500 Halle. Puna qe bej eshtë estetiste. Nuk jam dhe mire me shendetin nga keto kimikatet. Ju lutem ma zgjidhni kete hall.
Se harrova tu them qe apartamentin ata e kishin bere fjale me dike tjeter dhe e kane shitur. Fola me zonjen qe e ka blere. Jane bere letrat me 31 korrik 2025. Kjo Është biseda qe me ka konfirmuar ngawecapi m2 qe realisht ketu Jane 52m2. Kam bere dhe nje rregjistrim ku me konfirmon qe dikujt tjeter i kane mbajt 5 mije euro e shume tjerve. Totali ishte 70 mije euro.
Nuk e bera blerjen e apartamentit fare. Me mashtruan, thjesht lashe nje kapar dhe nuk me kthejne leket. Apartamenti u shit ka nje muaj, keta me moren leket mua dhe njekosisht kishin folur me ate zonjen tjeter. Na kane stresuar aq shume ju flas si moter jam keq trajtuar ofenduar dhe me ka terhequr zvarre. I thashe policise te merte kamerat se di tani./JOQ
