Kombëtarja shqiptare ka risi në ditën e saj të parë të grumbullimit për ndeshjet e muajit shtator ndaj Gjibraltarit dhe Letonisë.
FSHF ka bërë të ditur se ka tre ndryshime në listën e saj, teksa mbeten jashtë për probleme dëmtimi Ylber Ramadani dhe Ernest Muçi.
Por ajo që bie në sy është se një futbollist ka vendosur të largohet nga radhët e Kombëtares shqiptare për t’iu bashkuar Zvicrës.
Mbrojtësi Adrian Bajrami, sipas FSHF-së, ka bërë këtë zgjedhje për t’iu bashkuar helvetëve, pasi ka luajtur më parë vetëm 3 miqësore me kuqezinjtë në periudhën kur ata drejtoheshin nga Edi Reja.
Të ftuar janë Enis Çokaj, Kristjan Shpendi dhe Maldini Kaçurri. Enis Çokaj, mesfushor i Levadiakosit në kampionatin grek, ka qenë edhe më parë pjesë e Kombëtares A, ku numëron 5 ndeshje.
Ndërkohë nga ana tjetër Shpendi dhe Kacurri ftohen për herë të parë nga Kombëtarja.
